2009 . 6 . 30
放榜
雖然都叫關我事  話晒我都有retake eng
但check完     知道咩成績就算
沒有太複雜的思緒       自修的好友們比我緊張多
也知道不能硬說安慰的說話       說自己明白你們
可還是想跟你們說句     別擔心太多    路會在


睇完成績~又咁好天氣   太陽曬到暈
做咩?   梗係做戶外野啦
踩單車!!
同袁小姐近近地去左大尾督踩~~
之前同fd去左n次    今次第1次同袁小姐去
天氣好到無得彈


正~~~搭小巴入到大尾督先租單車
由入面踩番出來~踩左1個鐘到啩  就番轉頭
沿途停左好多次~因為有人踩兩踩就話攰
事源
前一晚   "由火車站踩到大尾督再踩番出火車站   踩3,4粒鐘你得唔得架?"
"得!你唔好成日睇小我!"
= ='  好彩~最尾我都係決定踩少少就算   
果然 我的決定無錯的

炎炎熱氣汗流浹背      水壩吹不停的涼風是解渴的甜品
風景如畫   少不了......
"相機呢?" "你擺過少少~" "睇住趺左部機呀!" "影多張啦"

嘻嘻哈哈的又5,6點了~~
白白刺眼的漸漸變成柔柔的淡黃
真美
     

與你悠泛於湖上    
說不出的輕快閒情     寫意無憂
還有             想不到的快速前進
不得不讚歎一下你的臂力~

回程路上
還記得我不斷說的話嗎
對     我也不理解為何不斷地說著
生怕你不知道似的

只想給你知道   
今天真的很美